دايم حبيبي بعيد ودايم وجدي
وتمر على شوفة عيونك أسابيع
ما تدري كيف الأيام دونك تعدي
ضايق الصدر وضايق الكون الوسيع
تهبهب نسايم أنفاسك وأحسبك حدي
وأصحى من حلمي بالواقع فجيع
كثيرة الناس وأحس إني وحدي
يالغايب يللي وجودك يسواهم جميع
حبك في وسط القلب يا سيدي
حبك حبيبي رضى وواجب وتطويع
على كتوفي عرشك والأرض زندي
ولو كان الحمل فوق المستطيع
حاكم على قلبي يا فرحتي وسعدي
قلبي بوجودك حصن ممنوع ومنيع
ولاني أخون ولاني مخلف وعدي
ولاني بإللي يبدل أو يبيع
وإني أبقى أحبك لله عهدي
وأن قدرك يبقى بمنزل رفيع
دايم حبيبي أراعيك وبالغزل ردي
وأسأل ضميرك عن حب الأصابيع
أقطع لك بحور ساعة المدي
بلا تشجيع ولا همني التشجيع
بشؤوني إنت قبلي وإنت بعدي
تبدأ وتنتهي عندك كل المواضيع
وإن جيتني تشتكي الدنيا عندي
أقاطع الدنيا وما لها بحكمي شفيع
يللي في وجودك يكتمل مجدي
يللي في حياتي الجزء البديع
فيك كل الألوان يا أحلى وردي
من كل الأنواع يا أحلى تنويع
أحبك وأحب عمري لك أهدي
يللي العمر معك ما يكفي سريع
أتعبني ولا تشكرني على جهدي
يكفي معك صارت أيامي ربيع
صدقني ما أكذب ولا الكذب ودي
لبسمة عيونك كل عمري أبيع
أنت واحد عنك ما يزيد عدي
هذا أنا وأنا لنفسي مطيع
