يللي إسمك نظر عيني
وضحكتك باريه الجروح
يا حب عمري الغالي الدفيني
يا حب عالي الصروح
يللي شفتك ولا شفتيني
يوم صدفة وفروح
وهلت رماح زينك يالزيني
ذباحه وأنا المذبوح
يمكن بموتي فيك تحييني
يا بعد كل مملوح
وأنتظرتك يللي لا ما أنتظرتيني
وحظنا بالحظ السموح
وصارت الدنيا بوسعها ما تكفيني
وقلت بصوتي المكبوح
أحبك كلمة بينك وبيني
مثل الجسد والروح
أحبك نطقها لك يدفيني
وقلبك بنصره يلوح
أمشي ويسبقني لك حنيني
يالوجه الحالي الصبوح
في الماضي وفي حيني
أمشي ونفس الطموح
يللي من تلامس يديني
أسمع قلبي ينوح
والسعادة حينها تنادي فيني
وعطرك مني يفوح
هذاك زمان والزمان ما يسليني
واليوم حالي مطروح
أناديك حيران وينك ناديني
وقولي القرب مسموح
سنينك أنا وأنت سنيني
والحب واضح ومفضوح
والوجه ما يخبي إللي يعنيني
والعنا قصة وشروح
ورغم خاطري المكسور ياضنيني
وكسور الخواطر ما تروح
ورغم الصعاب إللي تلاقيني
وأثر حبك الممسوح
ببقى أحبك وأنت تعرفيني
بالمعاند طبعي الجموح
أحبك بوحي قولي تحبيني
المحبة طعمها بالبوح
يللي في كل حيني
كفتك دايمه الرجوح
