أكتب من غيره ثارت وكشرت عن سود الأنياب
للوطن ولإسم الوطن وللعلم إللي ما غاب بالتوحيد إشراقه
أكتب لملك عز والملك يبشر بعزه حاضر وبالغياب
في الرخاء له شعب وفي الجد كلنا رفاقه
أكتب لولي عهد تلقانا دونه محازم بارود وحراب
ذوق عدوك جمر عزمك وحنا ونذوقه شي ما ذاقه
أكتب لوطن ينعشق بكل أحواله من الباب للباب
وطن عاش على الطيب وبطيب نهديه أرواحنا باقه
المملكة يللي ما تعرف معنى المملكة وحاسد لنا وكذاب
وتسميها مهلكة والله صدقت هي مهلكة عمرك ومحراقه
ناظر سيف العلم وسيف العلم أحلى بلا جراب
يأمن من صاحبه ويفزع بظله من عاش بنفاقه
تطاك أقدامنا لأجل الوطن قبل تطا منه تراب
قبل طرفك وقبل لا ينهي لسانك بحقنا إنطاقه
يللي طاب لك ذُلك وحنا المجد لنا طاب
أبعد ولا تكون أول من ساقه للفشل ساقه
يا مدعي الصدق خلك على دعواك وخلك على السراب
أل سعود والسعوديين أمة يالعدو مالك بهم للأبد طاقه
نخاف الله وشرعنا سنه رسوله وقبل السنه الكتاب
وإللي شرعه غدر وهوى يحذر لا نكشف أوراقه
هذا القلب ربي بحب الوطن أحمده وأشكره صاب
وكل الفتن ما لها على هذا الحب فرصة وفاقه
