تعالي وشوفي صمتي والذهول
بين صورتك وإسمك دوامي
خذيتي عقلي يا ماخذه العقول
وعلى غيرك تفكيري ما حامي
يا مملوحة الوجه ودمك المعسول
كنت دايم أرمي سلامي
واليوم من فينا المسؤول
أسرق شوفتك كني حرامي
تعالي وعسى دربك وصول
تعالي للوعد ولباقي أيامي
نلتقي إثنين أنسب حلول
شالت الهم حتى أحلامي
في غيابك صاب النحول
أوراق شعري وحبر أقلامي
وأخاف النحول يتحول ذبول
وتموت حروف الشوق قدامي
وأنحسب قاتل وأنا المقتول
ويكون حبك سبب إتهامي
أسهر لحالي وأضحك وأقول
بكره نلتقي والحزن بكلامي
أكابر وأمنع دمعي النزول
وألقى العبره بلت غرامي
ودموع عيني تتحول سيول
تترك جروح بخدي الدامي
تعالي وحشتيني وكلي فضول
للمسة لهمسة تنهي ألامي
تعالي دايم أناديك وأقول
تعالي وطفي ضمى الضامي
أحبك ومالي قوة وحول
على البعد وعلى هيامي
أحبك وهذا مني مرسول
يا طفلتي اللي أناديك يا يامي
