من شافت عيوني حسنك وألوانك
تاهت في بحور ما لها مينا
يا حيا ذا الوجه ويا حيا زمانك
ويا حيا من قتلني بلمعة جبينَ
صرت من أول نظرة ولهانك
وصرت يا زين كل اللي يسلينا
وكل حياتي صارت حلوه عشانك
وصارت النظرة لعينك ما تكفينا
جودي مثل جود الكحل بأجفانك
اللي من سواده أكتب دواوينَ
على وسع عينك مدمن وإدمانك
أخذ عقلي بلحظه دامت سنينَ
ترى لو أدل نص عنوانك
وأجهل نهاية دربك وين يودينا
أسبق عيوني قبل تلمح مكانك
ولو دربك موت أموت والحينا
يا فواحة الطيب والطيب ريحانك
والطيب من طيبك يداوي جرحينا
جرح عمر مضى قبل أوانك
وجرح صوت أبدع بالشوق تلحينَ
أنا وربي ضعت بزحمة أكوانك
والأكوان أقصد شيءٍ بوجهك الزينَ
العين والخد والخشم وصف أسنانك
والرمش اللي يذبح وسيوف الحاجبينا
حبيبتي شوفي من الشعر ديوانك
وكيف أصف الحرف السعيد الحزينَ
وكيف أحاول ألمس نبض أحضانك
من صورة عندي ما تملها العينَ
ليست هناك تعليقات:
إرسال تعليق