يللي تقولي عرفتيني والمعرفه كانت قليل
أنا اللي ربيت حبك في دواويني
تقولي إنت وأنا صورة الحب الجميل
والمشكله إنك في الحب دايم تلوميني
حبيبتي يللي بإسمك أبداء كل المواويل
وأنهي كل المواويل بإسمك يا نداء عيني
والمشكله إني ومدري ليه أطارد مستحيل
ومدري كيف هذا المستحيل هو إللي يحييني
يالمستحيل إللي ماله عندي شيءٍ مثيل
إنت المستحيل إللي أمشي وراه وما يدريني
حبيبتي أنا صابر على طريقي الطويل
ماشي يمكن لعل وعسى إنك تشوفيني
ماشي مره أتوه ومره ألقى دليل
ماشي بحلم وأنا راضي لا تصحيني
أنا ماشي وما أملك إلا حظي الضئيل
ورفضتي حتى الأمل لو مره تديني
والمشكله ياللي أحب أخاف يتعب الحيل
وأستريح وتفقديني وتضيع الخطا بينك وبيني
حبيبتي هذا الليل هو آخر ليل
من ليالي السفر أنا ماعاد فيني
ويدي ما عاد فيها بعد إنها تشيل
أوراق شعري إللي تعبت في يديني
أرحلي إذا شفتي حلك في الرحيل
وأتركيني غرقان بدمي إللي من شراييني
ولا تحسبي قصدي تحني وقلبك يميل
أرحلي وأنسي كل ما مضى وأرجوك تنسيني
أرحلي ترى الرحيل للنسيان أفضل سبيل
أرحلي بس كيف أعيش شللي ينسيني
لحظة ينتزع فيها قلبي ودمي يسيل
لحظة قررتي فيها ياقلبي إنك تتركيني
أرحلي يا قلبي إنت قلبي ومالك بديل
أرحلي وقفي النبض فيك موتي وموتيني
قلت لك ما عرفتيني وإنك ظلمتيني حيل
وإنك ظلمت نفسك وظلمت السنين يا سنيني
ليست هناك تعليقات:
إرسال تعليق