يا زين قصر الحياة وإنت جنبي
يللي بعدك مطولها ويا كرهي لطولها
مل قلبي بعدك يا ساحر الهدبي
يا أكبر فرحة ممكن قلبي ينولها
يا كل الحب يا مشتت بدلالك غضبي
لشتت حزنك من عيونك وحولها
لو تدري كثر غلاتك بقلبي
أقطع لك الأرض بجبالها وسهولها
يللي على غرامك نفسي مربي
ويكفيني منك شوفت أطيافك وزولها
يللي أمتلت بيك سطور كتبي
والمحبه تسمعها مني وتشوفها وتطولها
وأنادي عليك وأقول واحشني حبي
يللي الكلمتين هذه تستحي تقولها
قولها ولو مره وطفي لهبي
اللي خلف الضلوع صعبه وصولها
غرامي بك ذنبك ما هو بذنبي
يا من ثارت بك للفضول فضولها
من يوم مريت زمان بقربي
والمحبه تدق ليل ونهار طبولها
يا جنة لها للأن كل عجبي
وما ظنتي تصحى عيوني من ذهولها
يا جنة لجلها تثور غيرتي وحربي
تلمع سيوفها وتسمع صهيل خيولها
واجه الدنيا ما دامت الروح بي
يا عمري وأرمي على كتفي حمولها
مشاعري هي اللي تحدد دربي
وأكررها لو تكررت فرصة حصولها
يا أول وأخر درب غيرك ما أبي
وأستمتع في رحلتي بكل فصولها
يا مكاني وشمالي وجنوبي وشرقي وغربي
محبتك في قلبي ثابته أصولها
ليست هناك تعليقات:
إرسال تعليق