يقول حسن غازي بالخط العريض
حنا مع الملك وولي عهدنا
محرضين نفوسنا من دون تحريض
على الطيب وعلى ما يزيد مجدنا
لا سوم نقبل ولا تخفيض
غالي الوطن ودون الوطن دمنا
ولا بعد الوطن أي تعويض
شفنا يالمستعمي وشفت ما صار حولنا
وإذا ودك تقلدنا ما هو بتفريض
كلاً له عقل وهذا عقلنا
أثمان المواقف علينا ما هي مباهيض
واللي نقصك كمله من عندنا
حكامنا بيض الوجوه بدون تبييض
بدون مجامله وبدون أحد يقلنا
حكامنا أل سعود يالجاهل المريض
عزونا وعزوا العرب والمسلمين بعزنا
وخلها في بالك يالعدو البغيض
حنا شعب وملك بعضنا لبعضنا
يللي عن الحق مواصل التغميض
ترانا يالسعوديين نشارك غيرنا بحقنا
يللي تقول الخير وفعلك نقيض
حنا نقول الخير وفعلا فعلنا
يللي بغير شرع الله تستفيض
وبالقرأن وسنة محمد عشينا ونصحنا
روض نفسك قبل يجبرك ترويض
من غضبنا اللي مأخره حلمنا
لجل أمن بلادنا ما نحتاج تفويض
لا لزم الوضع عارفين أدوارنا
بأخلاقهم حكامنا ريضوا أخلاقنا ترييض
ما تضيق إلا بساعة الصفر أخلاقنا
وكم وكم صبرنا يالمكاذيب النواقيض
بس ما رضيتوا تنهوا بإعتذاركم صبرنا
القوارض اللي تعضعض بالمزابل مداحيض
واقفين لها وجاهزين نطردها بأقدامنا
لأن الخونه والمسترزقة وخمات المعاريض
بدري عليهم يعيشوا معنا بأرضنا
وحنا مللنا وفاض مليون فيض
ذوقوا أجل اليوم علقم ردنا
وإن رجعتوا على دروبكم مراكيض
لا تتعبوا لاحقتكم تراها صقورنا
بس اللي قاهر قلوبنا المقابيض
كيف ما عرفتوا مزحنا من جدنا
وحنا اللي سيوفنا بشعارنا مناهيض
تقص رقاب من حاولوا غدرنا
شعار أخضر يرفرف ما به غواميض
فيه نخلة تدلك على أصلنا
عرب وسلوم العرب للهواقي نواهيض
لو جانا الملهوف متمسك بثيابنا
عن الوقفات بالتفكير أبد ما نستعيض
لو نزل الضيف قهوة فنجالنا
يشرب وقبل ينتهي فنجاله الخفيض
يتحقق المراد اللي لجله جالنا
حنا اللي ملكنا الصدارة بالتقويض
صدارة الحق اللي عودونا أجدادنا
وأكتبها يا وطن بالذهب والنور الوميض
حنا جنود الله بأرواحنا وأولادنا
ليست هناك تعليقات:
إرسال تعليق