ما أنساك وأنت إللي في بالي دوم
كيف تسألني وإللي بيني وبينك وعد
يللي حتى بغيابك أحسك حولي تحوم
يعني حاضر بروحك ولو غاب الجسد
يا طارد كل همومي ولا تطردك هموم
عايش بروحي حتى صارت لك بلد
تسألني إذا نسيتك تسألني وأنا المغروم
ولولا سؤالك لي طاري النسيان ما ورد
النسيان كلمة ما خلقت لك على العموم
ولاني باللي ينسى نصه إللي وجد
لا تسألني أسئله غريبه مالها لزوم
وأرتاح بالي قبلك موصد وبعدك وصد
يللي أشوفك أجمل من خلق لليوم
حبك أسرني يللي ما بعد جمالك بعد
والله من يوم شافك قلبي المحروم
حلف بالله قدامي ما يحب بعدك أحد
وكل ما نمت أصحى دايم من النوم
شي يعصف داخلي كنه برق ورعد
يا دفى عمري والدفى منك وفيك موشوم
ضمني حرك حرارة أشواقي صدري برد
أنا مدينة جبال من ألم ولوم
أنا من شال حزن الأحزان وقعد
أنا إللي جنبك لا منت موهوم
أنا إللي يا خيمة حياتي لك وتد
أنا إللي لا جيتني تشتكي مكتوم
أحاول أسعدك وأبشرك بقولة أبشر بالسعد
لا تزعل علي وتظلمني وأنا مظلوم
وإن ظلمتك صدقني ما كان قصدي القصد
يوم تزعل علي سمايا تمتلي غيوم
وأصير ضايع وعايش في حيره ونكد
لا تحرمني منك مقدر عنك أصوم
حاجتي لك من حاجتي للهواء أشد
ما نسيتك لا تنساني ولا أموت مسموم
من قلب يمرض دونك ويصيبه فسد
ما أنساك وإنت إللي في بالي تعوم
والشاهد ربي وربي أعظم من شهد
ليست هناك تعليقات:
إرسال تعليق