حبيبتي طمنيني عليك وحشتني يديك وزولها
إللي لا غيرها ماخذ تفكيري وشاغل
لمسة يديك ليدي لمسة منتظر وصولها
والوصل أبطى والزمن لليوم علي يتحايل
في يمينك هطول وفي يسارك سيولها
أجرفيني وخذيني معك عن روحي متنازل
في يمينك حقول وفي يسارك خيولها
وأنا إللي أعرف مع يديك أتعامل
قبلة على يديك هي السعادة ودروبها
هي إللي تخلي الحب بقلبي يتفاعل
حتى لو تقتلني أفرح إني مقتولها
وبفرحه أقول للناس إني أنا الفاعل
حبيبتي طمنيني عليك كلمتين دايم أقولها
ومدري هو نسيان لقولي ولا تجاهل
نايمه لياليك وأنا سهران في طولها
مع إحساس بسماع صوتك دايم يتفائل
يللي السهر ما كان يوم إلا لها
والشوق لصوتك بكل ليله يزيد ما يتضائل
والله أشواقي لو تسمعي دقة طبولها
حزينه وبحزنها كل الدنيا بحزني تتمايل
سماع صوتك لحظة وش فرصة حصولها
ولا ببقى على شوقي وحظي يماطل
حبيبتي صوتك أجمل هدية ممكن أنولها
فلا تبخلي علي حبيبك والله يستاهل
