اليوم سكت لساني والصمت من القهر صاح
وبدأت في دفتر ماضي الصبر أقلب وأحلل
اليوم صحيت من جنوني بعد ما لسانك باح
وقلت بعد عشره إني بالزعل عليك أمثل
كنت أحسب إني بخوفي عليك أكسب أرباح
وأثرني غير الصد والتكذيب والخصام ما قدرت أحصل
كنت أظن شوقي لك يشعل بصدرك أفراح
وأثرني على السراب إللي بعيني كنت أأمل
طحت مكسور الخاطر والمكسور لا طاح طاح
وأتناثرت مشاعر الحب إللي كنت لك أحمل
ونزفت عيوني الدموع ومن عروقي الدم ساح
جرح وكمل بطعني وأنا للموت بحبك أكمل
كاتم على قلبي ولو ما كتمته بالألم ناح
كاتم بيد وبيد أسلم وألاعب بيها وأدلل
كيف أمثل وأنا من شفتك صرت سواح
ما بين قلبك وعينك رايح جاي للعشق أوصل
يللي من كل البشر جماله ناداني ولاح
أهمل كل البشر وأجيك وعمري والكون أهمل
كنت أحسب ضحكتك لي هي دليل النجاح
وأثر كل تضحياتي صفر وقبيح مهما أجمل
يعني لو قلت إني في تعبك ما أرتاح
وإني في بعدك بغير حروف إسمك ما أهلل
وبعدها قلت وش فيك بإتصالاتك لي شاح
وأرسل لو رسالة وشوف كم أنا أرسل
تاخذ كلامي بسوء الظن وتهب بوجهي الرياح
وأبدأ أترجم كلامي وفي كل المعاني أفصل
وتنطفي كل الشموع ونبدأ تهم وبعدها صياح
فين الخطئ فين السبب مدري وما ودي أأول
ترى زعل عن زعل يفرق وأعرفك لماح
بعض الزعل حركات لجل أنتباهك لي أحول
وخلاص الزعل صكيت بابه وقفلت عليه المصباح
ولا تقلل من شعوري ولا منك أقلل
خلينا بلا مشاعر خلينا أصنام خلينا أشباح
ليه المشاعر ما دام كثر المشاعر خلاني أملل
الأحد
١٤٤٠/٢/٢٦ هـ
