من وين أبداء أعد وللجروح الجروح
حبيبي أبيك بس لو لحظه تمهلني
تعبت يدي تداوي أهات الألم والنوح
وتعبت الروح إللي تحسبك قطعة مني
إبقى اليوم بس اليوم لا تروح
إجلس معي ولا تناظرني ولا تكلمني
بس أبيك تشوف ما سواه ثقل المزوح
يا رافع طرف ثوبك قبل تقترب تدني
يا خايف من الغرق في سيول السفوح
سيل دم قلبي إللي عليه مجني
بعد ما كنت في عيني اليوم الصبوح
صرت الحين السلاح والجريمة وليل دفني
العين تبكي للحين من شافتني مذبوح
وتحاول تنسى وجهك من شافتك تذبحني
ما أرضى غرورك حتى نداء صوتي المبحوح
ليه ما تجاوبني يللي في العادة ما تجاوبني
ما هز ضميرك أبد منظر جسمي المطروح
ما خطر في بالك يا ظالم مره تنصفني
ليش قتل المشاعر بين الناس مسموح
ليش الحب هو الحاكم وهو سجني
ليش القهر بصدري يبقى والأثر ممسوح
ليش دروس الحب غير الألم ما علمتني
ليش أقول والقول بالفعل واضح ومشروح
لليوم ما يعرف حتى معنى الضحك سني
أدري بقلبك المغلق وباب هجرك المفتوح
وأدري بأخر طريقك وأدري للوحدة يوصلني
أدري صعب تبقى يللي ببعدك تلوح
وأدري إني راح أعاني وللأبد حزني
ولكن يللي بيني وبينك بنيت صروح
أثرني الحر وأنا خارج كل ما تبني
ليست هناك تعليقات:
إرسال تعليق