مشاعري حبيبي أوراق شعر أهملها جمودك
حتى ضاعت وصارت حروفي أيتام وعدامه
مشاعري حبيبي مشت في لحظة قعودك
شفتها بعينك ومالك عندي عتاب وملامه
مشاعري حبيبي مثل الجرح ما تقوى صدودك
وزادت عليها الجروح ولكل جرحٍ علامه
كانت مشاعري تبعد الشوك اللي بورودك
وتهديك الورود بلا شوك حب وكرامه
صارت مشاعري ممنوعه بعد ما كانت جنودك
ياخذها وياخذ بقاياها الهواء البارد بدوامه
ياخذها الحزن بالقيد اللي الحين يقودك
إللي جابك تبحث أثر بعد إنعدامه
إللي جابك تسألني عنها ناسي جحودك
وين المشاعر والحزن كون بعينك غمامه
جيت تحسسني دفاك بعد صدمة برودك
صعب وأرجوك حزنك لا ينزل لثامه
لا تحاول خداع القلب بدمعة خدودك
وإن طيشك يعيش في حالة ندامه
كنت أدافع وأضحي بروحي عن حدودك
وأنهر من راجع جنوني بهواك ولامه
وأقول لا أنحرمت في لحظه وجودك
كنت حبيب عيني والطيب بأنفاسك مستدامه
ودامك تسألني عن المشاعر ومتسارعه ردودك
ويتلعثم لسانك بكلامه ونسى كفك سلامه
شوفها تحت أقدامك خانها كاذب وعودك
ماتت وما شافت قبل الموت حتى إبتسامه
ليست هناك تعليقات:
إرسال تعليق