قالوا لي زعلان مني وجيت أراضيك
تدري مقدر على زعلك يا حبي المكتوب
قالوا لك إني زعلان وأتجنب أجيك
لا تصدق قولهم صدقني الخبر مكذوب
نادي عليا جرب وأسمع كيف ألبيك
والله وحشني سماع إسمي بصوتك يا محبوب
طالع وشوف إللي بالهجر ما يوم يخليك
تراني من يوم الزعل عالباب مصلوب
ياللي دايم عليك أصبح ودايم أمسيك
ما يبعدني عنك من الزعل لفحة هبوب
كيف أروح وأنا إللي بروحي مسميك
كيف أعيش كيف أفرح كيف أذوب
حبيبي مالك إلا إللي الزعل ينسيك
قلبٍ يضحي بنبضته لك وعنك ما يتوب
أنا إللي ما يشوف بالدنيا أحدٍ يسوايك
أشوف كل الناس بعدك فيها عيوب
أنا الخير ناوي وبالخير هذا ناويك
يللي الزعل أسلوبك وعندي الوصل أسلوب
ليست هناك تعليقات:
إرسال تعليق