بين الأحضان شايل العود أنا
شايل إللي متحملني مع أحزاني
شريك الدموع أصدق شريك للهنا
درس تعلمته من غالي أناني
بين الأحضان شايل عود الغنا
أنا أشكي وهو يبكي بالألحاني
وش إللي بقى من حبنا
غير الصور وغير ترديد الأغاني
وغير الملل إللي كان حالنا
وغير السهر وإني أعاتب زماني
كرهت فيك الحبيب والصاحب والضنا
وكرهت في الحب كل المعاني
الغدر ألعنه كل ما أتذكره لعنه
وأدعي بصلاح إللي بشره أذاني
العام صابتني من حبيبي طعنه
باقي ينزف منها لليوم وجداني
صار جسمي مثل العود وأنحنى
وذكرى الألم ما قدر ينساها نسياني
ودي أنسى اللقى وأنسى بعدنا
خلاص ودي أنسى الماضي وينساني
قست عليا الدنيا ما حنت سنه
أفكاري ما قدرت تنسى إللي نساني
قست والألم حسره بقلبي معلنه
قست على عمري بكل الثواني
يا ثقل همي ويا كثرة جروحي والعنا
ودام هذا حظي كيف ما أعاني
توه الليل يالعود ويا طول ليلانا
وبُعد الصبح مثل بُعد الأماني
أنا وإنت يالعود نصبر بعضنا
ومثل أوتارك ضلوعي تعزف بأحضاني
ليست هناك تعليقات:
إرسال تعليق