علامك محتار وخطوتك متردده تجيني
يا أغلى الناس هذا أنا ضنينك
ليش الخوف وقلبك يتسائل فيني
ودي الثقة تكون بيني وبينك
أنا اللي كنت تناديني ويني
ونفس الوقت أنادي عليك وينك
يللي قلت تهواني ما ظنتي ناسيني
يللي أحلى سنيني تشكر سنينك
ناديني بتلقاني قدامك من حيني
لا تفكر وجرب من حينك
فكر بصوت عالي ولعالمك وديني
شيلني همك وبعون الله أعينك
علامك محتار بكل شي يا مهنيني
وكل شي ممكن لجل زينك
حاكمني بعدل ولا تكذب يميني
وفي الخطأ فرصة أقبل يمينك
تقول تحبني أصدق باللي تسليني
وشوف كيف لورود تتحول سكاكينك
وصدق حروفي لو جاتك بصفيني
من لساني وشعري تدور حنينك
يللي غبت وبيك أمتلت دواويني
عن شوق الضلوع لغفوة جبينك
يللي بتلقى مقامك في عيني
مثل مقامي اللي في عينك
ليست هناك تعليقات:
إرسال تعليق