يا ماخذه القلب بشريني عنك شلونك
عساك بخير وهذا غاية مرادي
وإذا هموم الدنيا لحظة يضايقونك
تذكري حطة راسك على فؤادي
وتذكري حلو الكلام في أذونك
وإني شريت سهرك وبعتك رقادي
لام الله من فيا يلومونك
ومزعجهم في مطارد رضاك إجتهادي
دامكِ خلي أنا إللي ممنونك
خِلي خَلي القلب معك عادي
يا ماخذه العقل مني وأمسيت مجنونك
وأصبحت مجنونك وصار جنوني بادي
خذيتي العقل لا ترديه دونك
وش أسوي فيه دونك يا سهادي
وإذا ودك ترديه عودي لمظنونك
للي تقولي عنه بلادك يا بلادي
تعالي وأبشري بعزك وأبشري بعونك
وأبقي لا تروحي طال إفتقادي
وأسألي عقلي في لحظة سكونك
وأفهمي بعقلك معنى إنك حصادي
يا ماخذه العين في لون عيونك
دونك كل لون يصبح رمادي
في عيونك الصافيه تتبادى نجومك
وتظهر لي فيها كل الأبعادي
عيونك كوني وعيوني أنا كونك
يا عيون للدروب السعادة تحاول إرشادي
حبيبتي لا تمشي على هونك
في مدينة حبي وأركضي يا جوادي
حبيبتي صدقيني صعبة والله أخونك
كيف أخون كيف روحي وأمجادي
يا ماخذتني بالعشق كلي في سجونك
صوتي بغير الحكم المؤبد ما ينادي
وإني أنادي بالعدل تكذب ظنونك
أنا فيك أعيش أحلى أعيادي
يللي تسلم لي ضحكة سنونك
ضحكة سنونك في هالدنيا زادي
يللي بجلا همي أهوى فنونك
بلمستك عالي موجي يرد هادي
يا ماخذتني ما خذيتي يا حناني إلا حنونك
وأحلى ما في الأخذ ضم الأيادي
ليست هناك تعليقات:
إرسال تعليق