يا غايب عن عيوني وحاضر بالأوراق
أوراق القصايد إللي غدت ألف دفتر
وينك في غيابك ضاقت الأخلاق
والدنيا في نظري كل يوم تصغر
بعدك عقلي ورى الجنون أنساق
وعن الصبر خطوتي كل يوم تقصر
زادت وحدتي وبابي دايم الإغلاق
وصرت حتى من كيف الحال أضجر
بعد شم عطرك وبعد العناق
أشوفك سطور وألمسك حبر لا أكثر
يا غايب عن عيوني تناديك الأحداق
تناديك طول النهار والليل بالصدى أسهر
تناديك ومن النداء صابها إرهاق
تنام إنت وترتاح وأنا نومي مهجر
يا غايب عن عيوني صدقني مشتاق
ودمع الشوق تجمع سنين وأنفجر وأمطر
تفاصيل تزيد مرارة طعم الفراق
وخيالي أخذني في كل تفاصيلك وأبحر
يا غايب عن عيوني البعد حراق
وذابت ضلوعي من قلبي اللي جمر
حتى حروف الألم صابها إختناق
أجل وشلون اللي صف الحروف وعبر
يا غايب صابتني الأشواك وصابتني الأشواق
الشوك أقدر عليه والشوق عليه مقدر
وينك عن جروحي يا راعي الترياق
أخاف تظهر روحي قبل لا تظهر
والله صار فيني خوف العشاق
خايف والخوف أزهر خوف والخوف أزهر
هذا رزقي وأنا مؤمن بالأرزاق
وكل ما يكبر العمر إيماني معه يكبر
يا غايب وأبقى أحبك من الأعماق
ذكرة يحبها عقلي وقلبي يذوقها سكر
وأقول لنجاتي أذا شحت الأطواق
سبحان الله والحمد لله والله أكبر
ليست هناك تعليقات:
إرسال تعليق