تعبت أقنع بالعكس فيني ظنك
والحوار صار للزعل كنه حطب
خايف عليك وتحسبني خايف منك
أبشرك بالغلا وإنت بعصفك تهب
حبيبي أسمع وخل الغضب عنك
يللي تسلم عيونك ورمشك والهدب
أحبك وأحب في الدلع فنك
يا أكذب صادق وأصدق من كذب
يللي تمون وما يمون غيرك لأنك
حلو صافي نية وأصلك ذهب
حبيبي أرفق وأبتسم وحشني سنك
وعاتب والعتب لا يتعدى العتب
أطربني وغير في الإذن لحنك
أخاف حبنا الأخضر يتحول خشب
تعبت أقنعك إنك ظالمني وإنك
راح تجني ألم ضميرك والتعب
السبت
١٤٤١/٧/٢٥ هـ
ليست هناك تعليقات:
إرسال تعليق