( ١ )
ليش السفر قالها عند العناق
وأنا قلبي ذايب حيره وألم
ليش السفر ويده كما الأطواق
خوف الوداع وخوف الوحدة والهم
ليش السفر يا حبيبي كافي فراق
وين الذكريات حتى الضحكة وهم
صبرنا وعاش البعد عمرنا سراق
وما ظنتي أحد مثلنا يعيش العدم
( ٢ )
طال السفر أدري وتعبت الأشواق
وقطرات الدموع سالت وتحولت يم
طال السفر أدري والحمل شاق
ولا أمل فينا ولا عزم
طال السفر أدري وحدنا فاق
لا كتف تقواه ولا قدم
ولكن فجر اللقى له إشراق
وإني أشوفك بخير هو الأهم
( ٣ )
رغم السفر وجوره وكتم الخناق
ما نسيتك وأنا حاضر نادي وسم
رغم السفر ومره ولذعه الحراق
ما نسيتك أكتبك قصايد بحرف الرسم
رغم السفر عاشق لك وتواق
ما نسيتك وورودك يا أحلى عطر ينشم
حبيبي وبيني وبينك وربنا ميثاق
أبيع الدنيا وأجيك لو لزم
( ٤ )
وبعد السفر بقضي وقتي الباق
بين عيونك وبين أحضانك والفم
وبعد السفر لا وحشة وإشتياق
ما غير لبيه وأبشر وأمرك وتم
وبعد السفر وما السهر مننا لاق
حط راسك على صدري ونم
ودامك أمامي مافي داعي للأوراق
ولأني أمامك عذرا وشكرا يا قلم
الإثنين
١٤٤١/٥/٤ هـ
ليست هناك تعليقات:
إرسال تعليق