مكتوب على النجوم تسهر لياليها
وأنا أسهر لحالي زي النجوم
والفرق الأسباب اللي سهرنا ليها
تسهر دليل وأسهر خايف ومصدوم
خوف الوحدة اللي عايش فيها
وصدمة حظ مستقبله غير مفهوم
ويللي تشوفونها لروحي أكبر معاصيها
إنسان ولاني من العشق معصوم
وأرسم صورتك بين النجوم وأناديها
وأقول وينك بعدك نساني النوم
والدمعة من عينك كالشهاب تنزليها
وبعدها شهاب وتختفي خلف الغيوم
كل ليله تبكيها وتجمعيها وتمطريها
كنك تقولي لا تخاف وقوم
أنا معك وأدري إنك تقصديها
وتدري إني باقي والأمر محسوم
حبيبتي دموعي بنفس غيومك تلاقيها
تبخرت من جسمي الساخن المحموم
من شوق أطرافي ولهفة مساعيها
من قلبي الساكت وضلعي المكتوم
والمشاعر ما عاد فيني زود أخبيها
يكفي عن لقانا الصبر والصوم
عيوني ما غير خيالك اللي مسليها
وليتها حتى اللقى حولي تحوم
يللي عطورك بعروقي وأنفاسي مسريها
تداوي حنيني لو كنت مهموم
وما دامت يدينك بعيده مهما تمديها
وما دامت يديني تدعي دعوة المغروم
مكتوب على النجوم تسهر فخليها
وعسى الليل لعيونك يستمر ويدوم
الخميس
١٤٤١/٨/٢٩ هـ
ليست هناك تعليقات:
إرسال تعليق