*هو*
كل مره قالت فيها هلابك يالغالي هلا
ذقت الهواء وكني أول مره أخذ نسم
كل مره قالتها ولا مره كانت بلا
فخمة ومن طبعها الفخم صار عمري فخم
*****************************************
* هي *
هات ما عندك ولا تفكر ولا تشكرني ولا
أنا إللي تأمرها وتقول لك بضحكة نعم
يا بعد كل شيء لا عدم ولا خلا
وعساك دايم وعساك ما تحس معي بلحظة ندم
*****************************************
* هو *
يا كيف راسي يا رشفة قهوة الهيل يا لحسة حلا
يللي ما لغيرها تقول العرب بفخر وكرم سم
يا صوت النبض يا صوت الفرح يا صوت وقتي ملا
يللي صابني في صوتها سهر وجنون ونهم
*****************************************
* هي *
والله مدري من في الثاني أول سلا
ولكن مهتمه بك أكثر ما أنت بي مهتم
تسميني الدواء كيف وإنت اللي همي جلا
ترى التنهيده في صدرك أحسها بصدري ألم
*****************************************
* هو *
يا أصدق شعور ويا أجزل شعر إحساسي قد نظم
يا أول إبنيه سحرها زخرف قلبي بعشقها وطلا
تايه في صحراء حياتي أدور أي نجم
أنقذتيني وما حلمت في يوم تنقذني فرس الفلا
*****************************************
* هي *
قالت حظك إنه إتصال مني عنك عصم
لأن الشوق ما تأمن أوله فكيف تضمن ما تلا
أحبك وحبك في قلبي ماله حد وحجم
أصيح به داخلي وودي أصيح به للملا
*****************************************
* هو *
قلت ربي الحكم وأنا عبد راضي بللي حكم
ومن الرضى هذا طار قلبي فرح وعلا
حبيبتي كافي ترحيب وأسمحي لي يالجمال الأتم
أرحب فيك وبكلك وأقول هلابك يا كل الغلا
الثلاثاء
١٤٤٣/١٠/٩هـ
ليست هناك تعليقات:
إرسال تعليق