من شفتك تبسمت وأنا مزاجي معكر
وتلاشى الهم من راسي والنبض راق
وبالسر سبحت للي أبدع بحسنك وصور
يا حالة جنوني اللي تستاهل منك إشفاق
من شفتك تأملتك وصار الأمل أكبر
وإني معك فكرة تفتح للخيال أفاق
يا منظر فيه الوصف عاجز مهما عبر
الشمس تشرق وتغرب وإنت دايم الإشراق
من شفتك وعقلي في غيرك ما فكر
وأنغرز علم أسمك على قلبي خفاق
في الليل أبيض وفي النهار أسمر
سحرك يرضي في عيني كل الأذواق
************************************
من شفتك والحزن زعل منك وكشر
ومن مدى إستمتاعي صاب الملل إرهاق
ضحكتك شهاب ضرب حواجز الوقت ودمر
وصمتك أخذني لعوالم إعجاب خارج النطاق
من شفتك والرضى صار علي يظهر
يالرزق اللي تخلصت به كل الأرزاق
يللي بعينك قارب عيوني غامر وأبحر
وبعينك شفت نفسي قدام حظي عملاق
من شفتك والخير على راسي أمطر
وأرتاح صدري اللي من الوحدة ضاق
وقلت يا ربي بأي وردة اليوم تعطر
كني كنت مكتوم ما عرف قبلك إستنشاق
الأحد
١٤٤٣/١١/١٣ هـ
ليست هناك تعليقات:
إرسال تعليق