رغم زعلك ومعك حق تزعل كثير
بس عندي كلام ودي أقوله لك
حبيبي أزعل أحبك يوم زعلان تصير
وتدري زعلك رضاه بوسة على خدك
يللي من أجيك بكبريائك ودك تطير
أتكبر وأدلل عليا مافي أعز منك
أزعل وشوف كيف غلاك عشقي يثير
يللي بأنفاسك قلبي ينبض وأطرافي تتحرك
يللي الزعل يزود حلاك وتقطر تقطير
وعن حلاك تدري صبري ما يقدر يتملك
حبيبي مهما تزعل وظهرك لي تدير
راح ترجع تدري ما غيري مسند لظهرك
حبيبي وقبل لا تفكر في التفكير
حاول تفكفك عناق أضلاعنا إللي ما تنفك
يللي تشوف الغزل لعب وملل وتخدير
الغزل أعلى قدر عندي يالعالي قدرك
يللي ماخذ الصدق مخارج ومداخل وتمرير
إللي يشك محل شك وهذا شكك
يللي تقول كلامي فلسفة وطلاسم وتحوير
لا تظلمني وتبؤ بظلمك وسوء ظنك
حبيبي زعلك بتبربر أو بلا تبرير
يخليني أنسى كل الناس وأنشغل بك
حبيبي تحلك لياليا ونهاري يصبح مطير
وما تصفى أوقاتي إلا لما ينتهي زعلك
حبيبي لا تزعل بزعلك عمري قصير
بعدك ماغير الكأبة في وجهي تضحك
يللي مفتاحك لمسة فيها الحنيه تعبير
تنسيك بلحظة كل الزعل على حبك
لمسة تعتذر في صمت عن التقصير
تثبت لك إن اللي قدامك يودك
حبيبي لا تزعل وخل قلبك كبير
وجرب تفهمني قبل ردة قولك وفعلك
لا تزعل ورضاك في الأول والأخير
إن كان باقي في الرضى ما يهمك
لا تزعل أقولها لك دوم بضمير
ترى بكره بزعل أنا والدور عندك
الخميس
١٤٤٠/١١/١٥ هـ
ليست هناك تعليقات:
إرسال تعليق