سبحان اللي عطاني منك حظ
وقسم لي من وقتك دقيقتين
يا مصبح ممسي في شغله المكتظ
ويالله أطلع منك بصافي كلمتين
ولا سألت وينك أكون فظ
وتكبر علي بغضب عيونك الثنتين
ولا حاولت أشرح نبرتي واللفظ
صرت مذنب بحقك في جريمتين
متسائل وكذاب في سجلاتك تحفظ
وأنحسب قاتل وتنحسب وحدك ضحيتين
والحكم مهما كان علي مغلظ
عادي ومستحق وهذا جزاء المغلين
ولا مارست غيرتي جريمتي الوعظ
وتنقص هيبتي في إختبارك نقطتين
وأصير أنا اللي بالخطاء يوعظ
بالثقة وكيف فقدت الثقة بالحالتين
يللي مدري بغيرتي وش لاحظ
شعور أبري نيته لرضاك ساعتين
يللي حبه مع نبضي إستيقظ
صدقني لو عرفتني بتحبني مرتين
الجمعة
١٤٤٤/٣/٤ ه
ليست هناك تعليقات:
إرسال تعليق