يا نايم وصدري من الشوق مطحون
والثواني كنها سنين يطولها السكوت
وحشني صوتك كلمني لو بالعيون
وخلني أتخيل من وجهك الصوت
وحشني صوتك ويا كرهي بعدك للسكون
وكل صوت بعدك عندي ممقوت
يللي كلامي صار بشوفتك مقرون
وينك لساني من اللقى مكبوت
لليوم تسألني إذا فيك مفتون
مفتون وغير عمري ما أملك ثبوت
لليوم تطلب في الهوى عربون
كيف وهواء أنفاسي بك منعوت
وتسألني ليش حبيتك متى وشلون
من دون القرايب والناس مبهوت
حبك شأن قلبي ومالي بالشؤون
بيتك وربي العالم بخافي البيوت
أحبك ولا حبيت أصير مجنون
طول الوقت ووقت العقل موقوت
يللي في غيابك جوي محزون
واسمك على كل شيء منحوت
من ألم بعدك كني مطعون
داوي نزف أيامي سابق الفوت
ودي على فهمك ووقتك أمون
يللي تمون على روحي للموت
الأربعاء
١٤٤٤/٤/٩ هـ
ليست هناك تعليقات:
إرسال تعليق