أنا ساكت أمس اليوم بالفرح غنى
أخيرا حزني خلاني هالمره في حالي
وجاني الفرج عاجل بعد ما قلت كنه
ربي حرم حلي وأوجب علي ترحالي
بعد ما توقعت الوحدة في حياتي سنه
أعيش اليوم في واقع حقق أمالي
وصرت في نعمه ولله الحمد والمنه
وأنكتب أعيد هذه السنه مع عيالي
مع اللي لخلخالها في المشي رنه
مع الجميلة اللي تقول ما بعد جمالي
مع اليقين اللي ما خيبت ظني بظنه
مع العشق مع الصاحبه مع حلالي
والله أروع ما في العيد هذا إنه
قرت عيوني بحبايب عن يميني وشمالي
وسامحت العيد الماضي واللي جاني منه
اللي حسسني العيد معاهم مستحيل وخيالي
عادت الروح لقلبي بعد ما غابت عنه
بلقى الأحبة بالونس بالعيد بأحلى الليالي
يا رب ديمها جمعة وأجمعنا سوى بالجنة
يا حي يا قيوم يا حنان يا منان يا عالي
الأحد
١٤٤٣/٩/٣٠هـ
ليست هناك تعليقات:
إرسال تعليق