أقسم باللي خلقني خلاص مليت يللي خنقني
وما عاد فيني أسامح ولا عاد فيني أواصل
واللي قلقني ما عاد فرق خصامك ولا قلقني
يللي تنام مزعلني وتصحى على زعلنا مواصل
تقول إني سرقت عمرك وأقول كلامك صدمني
تقول ما أعرف أجامل وهذا اللي بالفعل حاصل
قول اللي تقول تبقى الحب اللي سرقني
بواصل على صبري وإنت على الصد واصل
متساهل في حقي معك وأقول يا حظي هزمني
وفي حقك لولا التوسل نهايتي حد المقاصل
ياللي بحبل المشاكل على كيفه ياما شنقني
وفي مزاجه سهام الهم ضاربه روحي والمفاصل
ما تشكرني على شيء وتقول يللي ما أذكر خدمني
والناس تشكرهم حتى على الصغيرة تقدير وتواصل
لا تركت فرصة تفهمني ولا ظلمك تركني
ودايم تقول هذا الفراق ودايم أترجى نواصل
باب العشرة كل ما سألته قال هو اللي غلقني
والحزن صار فيلم الحياة والفرح مثل الفواصل
هدمت كل شي بيننا وهدمك هذا هدمني
ودامك شاري البعد على الوداع ما راح أفاصل
الخميس
١٤٤٣/١٠/٢٥ هـ
ليست هناك تعليقات:
إرسال تعليق