يا ناوي الرحيل وقلبي بسعادة دعالك
دربك سلامة وأتحمل بعدك أسبوع
وأنا اللي بلسانه بادر وقالك
إرجع متى ما طاب يا عمري الرجوع
واليوم وبعد يوم من منالك
تعب قلبي وناحت عليك ضلوع
يللي علاج قلبي في وصالك
والله كافي تهديد بالقتل وشروع
رحلت وأخذت الفرح في رحالك
وتركت الألم في الصدر مودوع
رحلت وخليت الحزن يقابلني بدالك
أصبح بوجهه وأمسي على دموع
بعد ما كنت أسهر على دلالك
وكان شوفك يشبع للوله جوع
بعد سقيا يمينك ومسحت شمالك
بغيابك أعاني غصة ألم مبلوع
وينك أثري كنت أتنفس جمالك
مخنوقة روحي وصلت حد الطلوع
يللي عيني تشوف من خلالك
يا طلة تسبي عقلي صمت وخشوع
وينك همي وارى بغيومه هلالك
وليلي بعدك ما تضويه ملايين الشموع
ساكت ملل تعال وسليني بجدالك
يللي مسموح لك ولغيرك ممنوع
حبيبي تعبت أجري وأتبع خيالك
يا ونس وقتي طمن خاطري المفجوع
لا أكون ماسك أخر حبالك
وألقى حبلك من زمن مقطوع
تراني واقف على عالي جبالك
وبأقفز وعلى الله هذا الوقوع
يا ياخذني حضنك وأعيش فرحة نضالك
يا تاخذني الأرض ويتنهي بموتي الموضوع
الخميس
١٤٤٤/٢/١٩ هـ
ليست هناك تعليقات:
إرسال تعليق