لا تجيب طاري الشوق
خليني ناسي إنك بعيد
وسوق لي الفرح سوق
وأحي بصوتك نبض الوريد
وإذا مهموم أسمع وروق
يللي حبك عندي الرصيد
والله واحشني ولك توق
فيني يا أمل جفني السهيد
بعدك بحر ووجهك الطوق
يللي في عيونك شهيد
يا نور يجيني من فوق
ضحكة عالية تبيتني سعيد
عساني أشوفك بلا عوق
أدعيبها ربي وصارت نشيد
ولو أسافر على نوق
دامك مقصدي يا عيشي الرغيد
بلا ألوان وبلا ذوق
بدونك أنا عايش وحيد
فلا تطري طاري يبوق
فرحة وصلك يا شوقي الأكيد
السبت
١٤٤٤/٢/١٤ ه
ليست هناك تعليقات:
إرسال تعليق