دخيلك عيوني مريضة يا طبيبي داوي مرضاك
وش حلي مع عيونك اللي أسحرتني
سألت الأرق وقال مالي غير ملجاك
ما يريح عيوني غير العيون اللي أسهرتني
ناديتك حسبي قريب وأثره بعيد مسراك
بمشي لك وتذكر طباعك اللي أبعدتني
أشوفك سهل بس يا جبل صعب مرقاك
ولكني بأحاول أقهر الدنيا اللي أقهرتني
عمري ملعبك وأضلاعي جمهورك وقلبي مرماك
أبهر حزني بفوزك وأرعب سنين أرعبتني
لما الشوق يصيبك ويجيبك من منفاك
لما صمتي يسمع الضحكة اللي أهجرتني
تعال وأسند على صدري وذراعي مركاك
أنا الطف من أي صورة أظهرتني
يا الحمل الوديع حذاري الذيابة في مرعاك
تعال أنا الطيب وطيبتي اللي أشهرتني
أسعى بخطوة للي يجري في مسعاك
لا تحرج صبري كافي الحظوظ أحرجتني
كل المواني وهم وعندي بس مرساك
يللي قد ضميتك لولا الملامة أنهرتني
الجمعة
١٤٤٣/١١/٥هـ
ليست هناك تعليقات:
إرسال تعليق