خلاص جفف دموعك ما عاد للدمع فارق
ولا تستذكر معه كيف كان الغرام
لأنك غارق بحبه تحسبه فيك غارق
وكان الأمر في حسبته تعدية أيام
البارد اللي لأجله كل شيء حارق
هذا طبعه وإنت وحدك اللي تلام
تبذل وتظن بعينه لك نظرة الخارق
وهي حقوق وجاته وما للسلام إلا السلام
اللي ما تقدر تعيش إلا بوجهه الشارق
ويدور على ليل بعدك لجل ينام
إلى متى تبقى على بابه طارق
كافي إحترم نفسك دام مابه إحترام
اللي لبثت عمرك تنتظر بسماه بارق
من فهم ورضى عام بعد عام
ما سرق عمرك إنت اللي لعمرك سارق
ما يحبك إنسى حبه ودع وقفي للأمام
الثلاثاء
١٤٤٣/١٠/٢هـ
ليست هناك تعليقات:
إرسال تعليق